中女危機
香港媒體很喜歡恐嚇香港人,經常有一些誇張的報導如:「食牛河會致癌」「檸檬茶含超標化學成份」「飲奶茶會殺精」但實情是縱使真的對你身體有害,達成條件卻是接近無可能的,如每日食十碟牛河飲十包檸檬茶廿杯奶茶,持續一年,從不間斷。
最近,他們又找到新的題材,命名為『 中 女 危 機 』
先有港台的節目,找幾個中女自白,再有中大港大的研究小組,隔三五個月又會出一個報告,告訴你男女比例越來越失衡,十個煲得七個蓋,三個女人中會有一個無得談戀愛。媒體大量的炒作,直接打擊單身女生的情緒和自信。就是這種接近洗腦式的言論,嚇得我身邊的單身朋友半死,每個都嚷著要參加speed dating、義工、興趣班、舊生會etc,但其實,她們都只是二十出頭。
這些報導雖然誇張,但好歹也算是一個提醒,提醒各位朋友不要再給藉口自己,幸福,是要靠自己主動爭取的。請緊記紅酒牛奶定律。
男人是紅酒,女人是牛奶。
一支紅酒,會隨著光陰流走,存放得越長時間就變得越香越醇。
一瓶牛奶,無論保存得多好,最後也逃不過變質的命運,有些會變芝士,但更多的只落得發霉的下場。雖然芝士也很有獨特的味道,但懂得欣賞好芝士的人卻少之又少,是niche market中的niche market。普遍男人愛新鮮,這是肯定的,喜歡飲牛奶的一定是大多數。
男人找伴侶為什麼看起來比較較鬆?在我看來,有三個原因。
1) 男女比例結構上佔優,贏在起跑線。
2) 只要自己接受到,伴侶年齡絕不是一個問題,喜歡姐姐OK,approach比自己小的女生更加好,絕不擔心供應。
3) 習慣主動出擊,沒有心理壓力。
女人找伴侶,最大問題的不是結構失衡,最大問題是自己能否接受到比自己小的男生拍拖,自己OK了也要別人OK,難上加難。但要找同齡或比自己大的,更難。因為這班人的數目只會越來越小,他們很多都被其他競爭者獨佔了。光陰流走了就不會掉頭,亡羊補牢才是上策,學化妝學穿衣是基本,令自己看起來漂亮些是天經地義的事。男人,全部都只睇表面。外表OK,就要將自己推出去市場,給機會別人也比個機會自己。
每個人身邊總有一個樣貌不出眾,但經常有拖拍的女生,仔駁仔,分手了又很快重投戀愛,為什麼?是否因為她們很flirty? 未必,是因為態度上的分別。我有個女性朋友,手機台用 PEOPLES,自廢了武功,沒有sms,男生怎樣接觸你?又輸在起跑線。港男大多數都沒有自信,是容易受傷的男人,你一開始要比訊號不夠清楚的話,他們怎會夠膽主動出擊呢?
你可能想,那個都不是真的我,我不會改變自己,但當你做左十次伴娘都未到你,你才開始後悔?太遲了!
莎士比亞都話啦,
to be or not to be, this is not the question.
係3 or 唔係3, that is the question.
你句「係3 or 唔係3, that is the question. 」好得!XDDD 本小姐年底都要轉番3,真係好唔方便。只係,勿忘仲有其他「渠道」,只在乎你用唔用嘅啫。
Thanks! 但個個都話我賣緊廣告 LOL 所以持open態度好緊要,人揀我我揀人
Sounds worrying for some girls. =|
唔好自暴自棄最緊要 XD
下, 但係如果個男仔會僅僅因為大家唔同台而唔text你又唔諗下憍嘅話佢都唔係鍾意你得去邊啦
非誠勿擾~
咁又唔曾唔send,但一日send幾個點都唔夠一日內可以狂send好丫嘛 XD
非誠勿擾~又確係道理,不過 女仔鍾意又唔俾signal 人地又點知你鍾意人呢?又唔係你肚裡條蟲。暗示,有d人天生對女人暗示無觸覺0架。
哈哈, 我係被動嘅女仔, 冇計~
不過話時話,我成日覺得拍拖唔難; 搵真愛先難呀!
記得我細個仲做過個醜小鴨實驗 — 特登不修邊幅, 咁如果有男仔仲鐘意你呢, 咁佢就係鍾意你內在美喇! (我諗)
跟住就即刻變返天鵝獎勵佢~ XDDD
haha 不過實驗結果証明男仔真係只愛靚女(至少要佢自己覺得靚) : P